മരണം ഒരു യാഥാര്ത്ഥ്യമാണ്! ആര്ക്കും ഓടിരക്ഷപ്പെടാനാവാത്ത സത്യം! നമുക്ക് പ്രിയപ്പെട്ട ബന്ധുക്കളും സുഹൃത്തുക്കളുമായി നിരവധിയാളുകളുടെ വിയോഗത്തിന് നാം സാക്ഷികളായിട്ടുണ്ട്. അവരുടെ മരണ വാര്ത്തകള് മറ്റുള്ളവരെ അറിയിക്കുകയും മരണാനന്തര കർമ്മങ്ങളില് പങ്കെടുക്കുകയും ചെയ്തിട്ടുമുണ്ട്. എല്ലാം കഴിഞ്ഞ് .
പിരിയുമ്പോള് എന്തായിരുന്നു നാമോരോരുത്തരുടെയും മനസ്സില്? ഇതേ പോലൊരു ദിനം തനിക്കും വരാനുണ്ടെന്ന യാഥാര്ത്ഥ്യം നമ്മില് എത്രയാളുകള് ഓര്ത്തിട്ടുണ്ടാവും? അഥവാ ഓര്ത്താല് തന്നെ വളരെ വേഗം എല്ലാം മറന്നുകൊണ്ട് വീണ്ടും നാം നമ്മുടേതായ തിരക്കുകളില് വ്യാപൃതരാകും. അടുത്ത ഒരു വാര്ത്ത കേള്ക്കുന്നതുവരെ. അതാണ് മനുഷ്യ പ്രകൃതം.
ഇഹലോക ജീവിത്തിന്റെ നിസ്സാരതയെ വ്യക്തമാക്കുന്ന നിരവധി സൂക്തങ്ങളും അദ്ധ്യാപനങ്ങളും ഖുര്ആനിലും പ്രവാചക വചനങ്ങളിലും നമുക്ക് കാണാനാവും.
വളരെ ചുരുങ്ങിയ സമയം മാത്രമാണ് നമുക്കീ ഭൂമിയില് ജീവിക്കാനാവുക എന്ന് പറയുമ്പോഴും ആ ചുരുങ്ങിയ സമയത്തെ കൃത്യവും സൂക്ഷ്മവുമായി ഉപയോഗിക്കുന്നതിലൂടെ നമുക്ക് നേടിയെടുക്കാനാവുന്ന ശാശ്വതമായ വിജയത്തെപ്പെറ്റി ഖുര്ആനും പ്രവാചകനും നമ്മെ പഠിപ്പിക്കുന്നുണ്ട്.
അതിലൂടെ നമുക്ക് നേടാം പരലോക വിജയം, നമുക്ക് നേടാം ശാശ്വതമായ ജീവിതം. നാഥന് തുണക്കട്ടെ! ആമീന്.
"അല്ലാഹു കനിഞ്ഞേകിയിട്ടുള്ള ഭൗതിക വിഭവങ്ങളിലൂടെ നീ പാരത്രിക മോക്ഷം കാംക്ഷിക്കുക. ഐഹികജീവിതത്തിലുള്ള വിഹിതം നീ വിസ്മരിക്കരുത്. അല്ലാഹു നിനക്ക് നന്മ കനിഞ്ഞതുപോലെ ലോകര്ക്ക് നീയും പുണ്യം ചെയ്യുക; നാട്ടില് കുഴപ്പമുണ്ടാക്കാന് തുനിയരുത്. വിനാശകാരികളെ അല്ലാഹു ഒട്ടുമേ സ്നേഹിക്കുകയില്ല".
-(ഖുര്ആന്28:77)
-Siyad, Sohar
0 Comment:
Post a Comment